O Coro Tabernario do Guindastre no Faísca.

A vindoura sexta-feira 17 de Dezembro a partires das 21:00 horas vem a cantar á Faísca, haverá petiscos de balde, vinho do país e... FESTA RACHADA!!

Palestra: "O monte do Seixo".Santuario perdido dos Celtas.

A vindoura sexta-feira dia 10 de Dezembro, a partir das 20:30 horas do seram, organizamos no local social umha palestra na que faremos umha a achega ao Monte do Seixo e ao seu patrimonio etnográfico e cultural.Contamos para iso com a presença de Carlos Solha.

IV Aniversário do Local Social Faísca

O vindouro Sábado 27 de Novembro celebraremos o IVºAniversário do nosso Local Social.

Por volta das 20:30 haverá actuaçom musical do grupo de pandereteiras "Luceiro".

As 22:00 horas teremos ceia a base de Empada e Cocido com sobremesa e chupinhos. Anotar-se no local ou no correio csfaisca@gmail.com em quanto antes para poder calcular as cantidades.

Magosto no Faísca

O 12 de Novembro as 20h, celebramos o magosto no local. Teremos castanhas de balde e chouriço a grelha a preços populares.

Saida ao monte a colher cogumelos.

Combina-mos o dia 7 de Novembro às 12h para fazer umha saida ao monte onde recolhere-mos cogumelos e algumha castanha, se cadra. Saire-mos do nosso local, sito na rua Toledo nº9 de Vigo.

A tarde, cando volte-mos, degustare-mos os cogumelos apanhados, no propio local.

Anima-te e acode!!!!

Samhaim no Faísca

Esta 6ª feira, 29 de Outubro às 20h vamos celebrar o samhaim no L.S. Faísca. Teremos petiscos de balde e vinho; e ademais o "Coro Tabernario do C.S. Guindastre" do bairro de Teis deleitara-nos cum dos seus recitais. Animade-vos e acudide!!!

IV Reconquista de Toralha

Outro ano mais chega a reconquista de Toralha!! Sera o dia 12 de Septembro e desta vez organizado, atraves da Coordenadora de centros sociais da ria de Vigo, polos centros sociais Xogo descuberto, A Revolta, A cova dos ratos, O salgueiron, Semente Vermelha, Guindastre e Faisca. Vemonos no Vao Piratas!!!

A jornada de protesto e festa começa as 12h cumha marcha ciclista (nudista para quem quiser, pois assim decidiu-se em assembleia) que partira desde o Concelho de Vigo até a praia do Vao. Ali, às 14:30 jantaremos co que cada um trouxo da casa, teremos bebidas frias a preços populares e algo de picar.

Despois do jantar, começaremos cos jogos populares e demais animaçom para ir quentando cara o grande momento da desembarco na ilha, às 17h.

Anima-te e vem disfrazad@ de pirata e coa tua barca, a "toma da ilha para protestas pola especulaçom salvagem e a corrupçom urbanistica a que é sometida, sera por mar e terra.

Ao rematar o desembarco teremos preparado um jogo de busca do tesouro.


Manifesto da Coordenadora:Piratas!:
...Por quarto ano consecutivo reunimo-nos em Toralha para peder a fim da especulaçom nas nossas rias. E este ano temos umha alegria, o “ministério de meio ambiente” anúncia que vai fazer efectivo o deslinde do litoral na ilha de Toralha, que vai construir um passeio marítimo ao redor da ilha de acesso público. E mentres rimos respostamos-lhes: Que maravilha!, um passeio que nos lembre que nom podemos aceder aos sítios que vemos desde o passeio.

Nom queremos partilhar as misérias morais de ninguém, reivindicamos o uso público da ilha de Toralha, de toda a ilha, dos seus castros, do seu parque florestal, da sua ponte, das suas praias e do seu porto, porque as ilhas nom devem de ser jamais propriedade privada, porque o que merca umha ilha esta-se a apropriar dum património ecológico, e neste caso, dum património cultural que deveria de pertencer a tod@s.

E sabemos que Toralha nom é mais que um símbolo do nosso processo de luita, porque nom pedimos só isto, nom queremos que se construam mais recheios que alberguem portos desportivos e clubes privados para o disfrute d@s ric@s, mentres a classe trabalhadora ve-se cada vez mais afectada por umha nova forma de exploraçom disfarçada de crise económica. Nom queremos que se esquilmem mais rias. Nom queremos mais verquidos de grandes empresas que nom som controlados porque eiquí apenas importam os quartos.

Reivindicamos respeito para as rias em forma de protecçom do seu ecosistema e em forma de sostenibilidade.

Piratas!, umha vez mais, um ano mais, nom mais ilhas de cemento!

Roteiro: Rio da Fraga em Moanha

O vindouro sabado 21 de Agosto o L.S. Faisca organiza um roteiro polo rio da Fraga de Moanha.Combinamos as 10:00 horas no local.
O roteiro tem dificultade baixa e recomendase levar roupa comoda,auga e comida.

Palestra:"A nosa solidariedade com Palestina"Que fazer?

Esta quarta-feira dia 21 de Julho às oito e meia do seram, em colaboraçom com a organizaçom de Solidariedade Galiza por Palestina, organizamos a palestra de Faied Badawi, representante da Frente Popular pra a Libertaçom de Palestina (FPLP) em Europa.

CONSTRUINDO GALIZA NOS BAIRROS DESDE A ESQUERDA

Os centros sociais de Vigo (A Revolta, Faísca, Guindastre, A cova dos ratos e Semente vermelha) juntamo-nos para organizar umha jornada de luita e celebraçom polo dia da Galiza. Como no mesmo dia 25 todas e todos temos por tradiçom achegar-nos a Compostela, a celebraçom em Vigo fica para o dia 10 de Julho. Todas as actividades serám no bairro de Teis.

De manhám, no centro cívico de Teis (entre o caminho de Maceira e a rua Pedro Alvarado) às 12h haverá umha palestra-mesa redonda no mesmo edíficio do centro cívico, que tratará sobre movimentos sociais . Assistirám representantes de organizaçons sectoriais que trabalham nos seguintes temas : Defesa da Terra, luita anti-patriarcal, língua e luita obreira.

No exterior do centro cívico, às 14h teremos um jantar popular com um preço de 6€, no que se incluirá além da comida: pam, bebida, sobremesa e chopinhos.

No mesmo lugar e depois do jantar teremos diferentes actividades como: campeonato de bilharda, jogos populares, conta-contos, … Todo amenizado intermitentemente com música ao vivo.

Às 20h chega o acto principal da jornada, umha MANIFESTAÇOM baixo o lema “CONSTRUINDO GALIZA NOS BAIRROS DESDE A ESQUERDA” o ponto de saida será a rotunda de cruzamento da rua Garcia Barbom com a rua Sam Jurjo Badia e percorrerá o bairro de Teis até o mesmo centro cívico.

Após a manifestaçom deslocaremo-nos todas e todos até a carvalheira da Guia, mui perto de onde remata a mani, onde às 22h darám começo os actos da noite. Em primeiro lugar haverá um recital poético de companheiras e companheiros, depois venhem os concertos onde participarám os seguintes grupos:

AID (hip-hop) http://www.myspace.com/aid8990

ROJO 2 (hardcore) http://www.myspace.com/rojo2coia

RAIBA (hardcore) http://www.myspace.com/raibagalega

OS 3 TREBÓNS http://www.komunikando.net/komunikajoomla/content/view/69/38/

Após este concerto a festa continua com:

CHUZAUSEN (música electrónica artesanal ao vivo, game-music) http://www.myspace.com/chuzausen

DJ NGK (pinchada até que o corpo aguante, o nosso ou o da polícia, Ska, Soul, Reague, punk, Oi, …)

Durante todo o dia haverá posto de bebidas e comida a preços populares.

DIFUNDE A NOVA E ACHEGA-TE A CELEBRAR COM NOS O DIA DA NOSSA TERRA.

Ceia dos CCSS no L.S Faísca

Esta sexta-feira dia 25 de Junho às 21.30h do seram todos os centros sociais de Vigo (Faísca, Revolta, Guindastre, A Cova dos ratos e Semente Vermelha) organizamos umha ceia-convivio no Faísca com o obxectivo de recaudar algo de cartos pra a Jornada do dia da Pátria, que este ano será o dia 10 de Julho no centro cívico de Teis (palestras, jantar, musica ao vivo, jogos, ...) e a carvalheira da Guia (concertos). O preço do prato será o custo, sobre 5 euros e depois quem puider e quixer pode fazer umha achega solidária. Apontade-vos nos centros sociais para fazer umha estimaçom de assistentes.

A seguir da ceia, iremos todas e todos para a sala A Farandula na praça de Portugal onde havera pinchada a carrego de "Selectah in Helicopta" e mais "Selectah Txo" a partires das 00.00h. Entrada solidaria 1 €.

CONSTRUINDO GALIZA NOS BAIRROS DESDE A ESQUERDA.

Remata a tempada de bilharda co II Aberto de Vigo.

O passado sábado 15 de Maio o L.S Faísca organizou o II Aberto de Bilharda de Vigo puntuábel para a LNB e co que se daba por rematada a tempada.
Participaron por volta de 85 palanadoras na parroquia de Bembrive o que reflicte a consolidaçom deste desporto no sur da Galiza já que é aproximadamente a media de jogadores que se derom cita nos dez abertos desputados este ano.
O L.S Faísca acadou umha meritoria quarta praça e conseguiu colocar a varios dos seus palanadores nas finais nacionais de Conxo que se disputarán o vindouro 30 de Maio.
Agradecer a todas as participantes o ter feito posíbel a recuperaçom deste jogo tradicional.
Obrigadas!

Palestra:"Novo hospital de Vigo".Cara á fin da Sanidade Pública galega.

A vindoura quarta-feira 26 de Maio analisaremos a situaçom actual da Sanidade Galega com Manolo Moreira(médico) e Cándido Gonçalves(Sindicalista CIG) e a ofensiva da actual Administraçom com o intento de privatizaçom deste serviço Universal.

Palestra:"Trainhas um desporto popular galego"

O vindouro 21 de Maio no L.S. Faísca haverá umha palestra-projecçom na que trataremos de comprender e achegarnos a este desporto tradicional da Galiza.

II Aberto de bilharda (pateiro) de Vigo

O sábado 15 de Maio celebra-se na parroquia de Bembrive o II Aberto de bilharda de Vigo, derradeira jornada da conferencia sur da Liga Nacional de Bilharda.

O aberto comezara às 16h no Torreiro de Bembrive, (se chove translada-se ao pavilhon de Bembrive), havera posto de bebidas a preços populares e pinchos.

Às 20h fara-se a cerimonia de entrega de trofeos da conferencia sur no auditorio do Centro Cultural Helios com actuaçom musical incluida.

Logo, às 22h havera umha ceia no L.S. Faísca (rua toledo 9, Calvario).

Apoia os esportos tradicionais galegos, difunde e acode!!!!

Jornadas da mocidade independentista em Vigo

Nos dias 5, 6, 7, e 8 de Maio teram lugar as I Jornadas da Mocidade Independentista em Vigo com charlas, coloquios, jantar e remataremos as Jornadas com um concerto solidário polo peche do web.

Vai o programa:

5 de Maio:

A mocidade na defesa do galego (Mocidade pola Língua). Ás 20:00h. no C.S.A. Guindastre (Rua Xulián Estevez 22, Teis)

6 de Maio:

Feminismo e MJG (Assembleia de mulheres de Vigo) Ás 20:00h. no C.S.A. Guindastre (Rua Xulián Estevez 22, Teis)

7 de Maio:

Desportos e MJG (Siareir@s Galeg@s) Ás 20:00h. no L.S. Faisca (Rua Toledo 9, Calvário)

8 de Maio:

O papel da mocidade nos colflictos do metal (trabalhador do metal) Ás 12:00h. no C.S. A Revolta
(Rua Real 32, Casco Velho)

Jantar de Convivio Ás 14:30h. no C.S. A Revolta

CONCERTO SOLIDÁRIO "NOM NOS VAM CALAR"

Zënzar
Raiba
Esquios
Ceboletas eléctricas

Na sala A Farandula (Churruca, frente a praça de Portugal) às 00:30h.

1º DE MAIO EM VIGO : Jornada de actividades dos centros sociais Guindastre, Faísca e Revolta.

Neste 1º de Maio o CSA O Guindastre, LS Faísca e CS Revolta organizamos um jantar que terá lugar no LS Faísca (Rua Toledo, 9) às 14h30. Polo preço de 8€ haverá omeleta, empada, chouriço, mexilhom, jamom assado, pam, vinho e água e mesmo sobremesa com doces e licor café incluídos. Na mesma noite poderemos desfrutar do concerto que terá lugar na sala Farándula (Rua Rogélio Abalde, 6) por 4€ com: Notarios, Antrax en tu tampax, Real banda de gaitas de Teis, Leo e Gabi Vacalouras e o Coro Tabernario.

Palestra de Causa Galiza no Faísca : "Classe trabalhadora e autodeterminaçom"

A assembleia de Causa Galiza em Vigo organiza umha charla formativa mais, que leva por título “Classe obreira e Autodeterminaçom”. A palestra terá lugar esta sexta-feira, dia 30 de abril ás 20:30h no L.S. Faísca. Intervirán Ricardo Castro da CUT e Paulo Paio da CIG.

Vitoria do Faísca no Aberto de Bilharda de Salceda

A terceira foi a vencida para Xan Rodiño, o xenial palanador da faisca despois de debutar en Bueu, e sorprender en Ponteareas logra en Salceda o seu primeiro aberto da LNB Sur. O seu triunfo na final desencadeou un desempate entre as duas mellores equipas do torneo "Faisca" e "Se Foras Traballar" que se decantou para os de Vigo.

+info na pagina da LNB

Billarda, algo mais que um jogo!

O dia 13 de Março as 20:00 no L.S. Faísca, projecçom e palestra a carrego dum representante da LNB (Liga Nacional de Bilharda), a seguir ceia a base de lacom com grelos (10€)

Fotos da palestra: Movemento juvenil galego a debate

O passado 26 de Fevereiro tivemos no nosso local umha palestra-debate com representantes das organizaçons juvenis da esquerda independentista, Adiante, AMI e mais Briga. Houvo umha grande assistencia, e a gente que se achegou mostrou interese no futuro destas organizaçons e as expectativas dumha posivel unidade, que em verbas dos representantes ainda queda lonxe. A palestra-debate alongou-se bastante debido ao alto numero de intervençons por parte do publico.

Palestra : O MOVEMENTO JUVENIL GALEGO A DEBATE

O 26 de fevereiro as 20h no nosso local, temos organizada umha palestra-debate sobre o movemento juvenil na Galiza. Acudiram representantes das organizaçons juvenis AMI, Adiante e Briga.

CONCERTO SOLIDARIO: XURXO E OSCAR LIBERDADE!!!

Dende o colectivo de gente que esta a trabalhar em Vigo na defesa de Xurxo e mais Oscar, vimos de organizar um concerto para o sabado 6 de Fevreiro, que tera lugar na sala Farandula (Praça de Portugal, Churruca) às 23:30.

As bandas solidarias que forman o cartaz som: Mexa por dentro, Essencia de lapo, Siervos de nadie e Falkatruada. O preço da entrada som 4€ e todos os cartos seram destinados a pagar os gastos derivados do encarcelamento dos dous ativistas vizinhos da nossa cidade.


OSCAR E XURXO LIBERDADE!!
PRES@S POLITIC@S GALEG@S LIBERDADE!!

Palestra a cargo de : Santi Vigo e José Sánchez

A sexta-feira dia 22, às 20h, estaram com nós o Santi Vigo e José Sánchez ex-pressos políiticos recentemente liberados tras casi dous anos em prissom, ainda que pendentes de sentência firme. Contaram-nos a sua experiência militante e o passo polas distintas prissons polas que estiverom. Questom bem de actualidade tras a detençom de Óscar e Xurxo a passada semana.

A seguir organizamos umha ceia a base de cocido, tortilha, pam, vinho, sobremesa e chupinhos (10 €). Anotar-se previamente neste correio ou no próprio local