2.11.15

IX Aniversário do Faísca


Jornada de celebraçom do 9º aniversário do Faisca. 14 de Novembro.

11h Competiçom de escalada. Petiscos ao seguir.
20h Música ao vivo com os Beretes.
21h Passe de teatro a carrego do grupo de teatro do Faísca.
22h Ceia de aniversário.

Aponta-te na listagem para a ceia no local ou enviando mensagem privada á pagina de Facebook do Faísca.

23.9.15

Apresentaçom do livro "Stand by, num estado de emergencia"


A sexta feira 25 de setembro às 20h no LS Faísca.

Pase da obra de teatro "A agulha de marear" no CS O Fresco de Pomteareias


Esta quinta feira 24 de setembro ás 20:30, o grupo de teatro do Faísca fará um passe da súa última obra no CS O Fresco de Pomteareias.

Ensaio de cantos de taberna no Faísca para o Festival das Bretemas


Esta quarta feira 23 de setembro às 19h, ensaio de Cantos de Taberna no nosso local, para a participaçom no Festival das Bretemas.

9.9.15

Roteiro polo canom do Sil


Sexta-feira 11 de setembro:

Saída do L.S. Faísca às 20:00. Acampada na área fluvial da Ponte das Táboas em Camba (2 km depois da vila do Castro de Caldelas em direçom Trives).
Existe a posibilidade de se incorporar ao roteiro o sábado pola manhã para quem o desejar.

Sábado 12 de setembro:

Saída às 9:00 da Ponte das Táboas. Visita às covas do Mário Langulho e base operativa da guerrilha.
Visita às aldeias de Froxende e Barxa, expropriadas tra-la construçom do encoro de Santo Estevo.

Domingo 13 de setembro:

Visita ao Castelo do Castro de Caldelas e outros lugares característicos da Ribeira do Sil segundo as possibilidades (mosteiro de Santa Cristina de Ribas de Sil, canom do rio Mao,...)

O roteiro ten umha parte fluvial que faremos em barcas, de ser possível. Para participar será preciso apontar-se previamente no L.S. Faísca. Ademais será necessário levar comida para sábado e domingo, saco e tenda para durmir, material de acampada e roupa de banho.

25.8.15

Festa Homenagem a Moncho Reboiras


Esta sexta 28 temos no Faísca festa-homenagem a Moncho Reboiras. Animamos-vos a todas a participar. Anotade-vos no nosso local para a ceia popular que faremos polo módico preço de 8€ ou polo próprio facebook.

13.7.15

Apresentaçom do dia da Patria pola Coordenadora Juvenil Galega


Esta quinta feira 15 de julho às 21h celebramos no LS Faísca o ato de apresentaçom do dia da patria a carrego da Coordenadora Juvenil Galega. Interviram Pablo Gomez por Xeira, Brais Ferreiro por Galiza Nova, Gabriel Gonzalez por Terra, Myrian Vazquez pola Liga Estudantil Galega, Hugo Dominguez por Comités, Elia Lago por Isca!, Jurjo Diz por Agir e mais Simon Ubeira por Briga.

Aguardamos-vos a todxs, e pregamos a máxima difussom do ato.

7.7.15

Roteiro por Soutomaior



11 de xullo ás 9h no Faísca para organizar os carros.

Desta volta un roteiro para desfrutar do verán. Nunha pequena andaina dende o monte ao río imos coñecer o val de Soutomaior, treito final do río Verduxo que emboca aquí a ría de Vigo.

Para obter na boa perspectiva do conxunto da zona, plantexamos a subida do Monte da Peneda (327 m), pequeno pero moi destacado pico dende o que se domina coas vistas todo o val de Soutomaior, a foz do Verduxo na Ponte de San Paio, a Enseada de San Simón e polo interior as primeiras cadeas montañosas dende até os cumios do Monte Maior que preceden á Serra do Suído. Foi no curuto deste pico onde se erguía o castelo que o arcebispo de Compostela mandou construír para ter controlados os movementos do Pedro Madruga, dono de Soutomaior no convulso tempo posterior á segunda Guerra Irmandiña.

A subida á Peneda comezarémola no lugar do Viso para despois descer pola aba contraria, xa por terras da parroquia de Soutomaior. Camiñando entre viñedos iremos cruzando o val achegándonos agora ao cuartel de Pedro Madruga, o famoso castelo de Soutomaior, reconstruído na forma actual trala revolta irmandiña. Despois de comer e visitar o parque e o recinto do castelo, continuaremos a baixada cara ao Verduxo polo núcleo da parroquia de Soutomaior, pasando pola igrexa e seguindo o trazado do GR-58 (Sendeiro das Greas). Finalmente chegaremos ao río na ponte medieval de Comboa. Dende este punto só falta remontarnos pola beira do río até acadarmos nada menos que o Inferno –así se chama o punto de confluencia entre os dous grandes ríos da ría de Vigo, Verduxo e Oitavén–, onde finalizamos o percorrido e onde seguramente haberá opción de bañarse se vai calor.


Combinamos ás 9:00 no Faísca. Coma sempre, levade xantar e auga abondo; calzado cómodo, e protección do sol. Hai un chisco de toxeira na baixada da Peneda, pero vale ir de curto aínda así porque se pasa rápido. Vémonos!

Ø  Distancia: 8,7 km (entre carreiros e estradas)

Ø  Desnivel máximo a ascender: 130 m (a subida da Peneda, despois practicamente todo baixar)



2.7.15

CANCELADA À ESPERA DE NOVA DATA. Palestra. Vivenda: Direito ou privilégio?


Vémonos na obriga de cancelar a palestra até nova data por problemas de saude do conferenciante. Desculpade as molestias, informaremos da nova data em quanto seja posivel. 

25.6.15

Palestra: A proclamaçom da República Galega


Desde o Faísca queremos lembrar a nossa história como povo erguendo a bandeira da liberdade e proclamando a República Galega tanto no concelho de Ourense como no de Compostela.

Para isso o 1 de julho às 20:00, veremos um documental e contaremos com a presença do mestre Xosé Collazo Castro.

Agardamos a vossa presença e difussom!

17.6.15

O espaço para a luita da diversidade sexual no orgulho.

O 23 de junho às 20h, no LS Faísca, teremos umha palestra a carrego da activista do colectivo "Nos mesmas" co galho do dia do orgulho.

13.6.15

Palestra: Franquismo e repressom


O 19 de xunho às 20:30, no LS Faísca, teremos unha palestra a carrego de Antom Arias Curto sobre a repressom no franquismo.

10.6.15

Teatro Faísca: Estrea "A agulha de marear"


Esta sexta feira, 12 de xunho, estamos de estrea!!!!
"A agulha de marear" é a nova obra de teatro que já temos preparada para vós!
Baseada na obra "Made in Galiza" de Sechu Sende, agardamos que gostedes dela!
Vemo-nos às 22:00 no Faísca!

4.6.15

Espetáculo clown a cargo de Fiz Patf no LS Faísca.


Espetáculo clown para adultos e crianças no LS Faísca com a atuaçom de Fiz Patz. O sábado 6 de junho às 22h. Achega-te e bota umhas risas com nós!!

18.5.15

Roteiro pola Serra do Galleiro, 23 de maio.


Chegou o momento de afrontarmos a ascensión do pico máis alto de toda a contorna de Vigo: o Galleiro. Esta inmensa mole granítica domina todo o val da Louriña, xusto enriba de Mos pola súa cara occidental, que é por onde subiremos. En conxunto, a Serra do Galleiro, discorre durante uns 15 km en dirección N-S separando os vales do río Louro ao oeste e do río Tea ao leste, que flúen paralelos á serra cara ao sur.

Comezaremos a nosa andaina no lugar da Portela, na parroquia de Louredo. Dende aí faremos de seguido toda a subida a través das revoltas das Sete Paredes até o cumio do proprio Galleiro (749 m). Despois de repoñer forzas continuaremos cara ao sur para subir aos outros dous picos máis sinalados da serra: primeiro o Salgueirón (621 m), onde tentaremos atopar a mámoa na súa aba sur e, a seguir, o Castelo de Mos (541 m), así chamado en referencia ao castelo medieval que alí existiu, destruído probabelmente pola Revolta Irmandiña. Na baixada visitaremos o abeiro da Lapiñeira da Fraga, baixo o Penedo da Pucha, todo un salón de granito onde moraba a xente prehistórica, que ademais é veciño da lendaria “Pedra que fala”. Finalmente remataremos na antiga canteira que serve coma campo da Festa da Prehistoria, xa na parroquia de Mos.

Pois entón, combinamos ás 9:00 no local da Faísca. Levade algo de xantar e auga suficiente (2L); calzado de monte, roupa de chuvia se vai malo e protexerse do sol (cabeza, pel, lentes) co ceo despexado. Vale ir de curto, non se prevén problemas de toxeira. Vémonos!
Ø  Distancia: 13 km (sobe todo pistas anchas)
Ø  Desnivel máximo en subida: 561 m (as subidas algo duras, pero lévase ben)

9.5.15

DIA DAS LETRAS GALEGAS

Com o galho da celebraçom do dia das letras galegas o 17 de maio, no Faísca faremos umha actividade na véspera, onde nos reuniremos todas e todos ao redor das nossas letras cum recital de poesia e umha sessom de micros abertos. Estades tod@s convidad@s!!!

PALESTRA SOBRE AS CONSEQUÊNCIAS DO TTIP.

Vem informar-te sobre o Tratado Trasatlántico de Comercio e Investimento, argalhado polos EUA e a UE de costas ao povo e com o objectivo de favorecer às empresas trasnacionais, eliminando os já debilitados servizos públicos.